ye aarzu thi ki hum us ke sath sath chalen
magar wo shaKHs to rasta badalta jata hai

Noshi Gilani

---

---

ye sardiyon ka udas mausam ki dhaDkanen barf ho gai hain
jab un ki yaKH-bastagi parakhna tamazaten bhi shumar karna

Noshi Gilani

---

---

aghyar ko gul-pairahani hum ne ata ki
apne liye phulon ka kafan hum ne banaya

Nushur Wahidi

---

---

anjam-e-wafa ye hai jis ne bhi mohabbat ki
marne ki dua mangi jine ki saza pai

Nushur Wahidi

---

---

aDi hasrat se insan bachpane ko yaad karta hai
ye phal pak kar dobara chahta hai KHam ho jae

Nushur Wahidi

---

---

daulat ka falak toD ke aalam ki jabin par
mazdur ki qismat ke sitare nikal aae

Nushur Wahidi

---

---

duniya ki bahaaron se aankhen yun pher lin jaane walon ne
jaise koi lambe qisse ko paDhte paDhte ukta jae

Nushur Wahidi

---

---