kya mila juz sukut-e-be-payan
shor sine mein karwan bhar tha

Nazeer Azad

---

---

tera KHayal mere dil mein kaise ghar karta
tera KHayal meri wahshaton se aage hai

Nazeer Azad

---

---

tujh mein gar barish samundar ke barabar hai to kya
mere andar bhi hai sahra ke barabar tishnagi

Nazeer Azad

---

---

aa gaya yaad unhen apne kisi gham ka hisab
hansne walon ne mere ashk jo gin ke dekhe

Nazeer Baaqri

---

---

aag duniya ki lagai hui bujh jaegi
koi aansu mere daman pe bikhar jaane de

Nazeer Baaqri

---

---

apni aankhon ke samundar mein utar jaane de
tera mujrim hun mujhe Dub ke mar jaane de

Nazeer Baaqri

---

---

is liye chal na saka koi bhi KHanjar mujh par
meri shah-rag pe meri man ki dua rakkhi thi

Nazeer Baaqri

---

---