ji mein aata hai ki den parde se parde ka jawab
hum se wo parda karen duniya se hum parda karen

Nazeer Banarasi

---

---

meri be-zaban aankhon se gire hain chand qatre
wo samajh saken to aansu na samajh saken to pani

Nazeer Banarasi

---

---

asta roke hue kab se khaDi hai duniya
na idhar hoti hai zalim na udhar hoti hai

Nazeer Banarasi

---

---

umr bhar ki baat bigDi ek zara si baat mein
ek lamha zindagi bhar ki kamai kha gaya

Nazeer Banarasi

---

---

wo aaina hun jo kabhi kamre mein saja tha
ab gir ke jo TuTa hun to raste mein paDa hun

Nazeer Banarasi

---

---

ye inayaten ghazab ki ye bala ki mehrbani
meri KHairiyat bhi puchhi kisi aur ki zabani

Nazeer Banarasi

---

---

ye karen aur wo karen aisa karen waisa karen
zindagi do din ki hai do din mein hum kya kya karen

Nazeer Banarasi

---

---