khaDa hun aaj bhi roTi ke chaar harf liye
sawal ye hai kitabon ne kya diya mujh ko

Nazeer Baaqri

---

---

KHub gae pardes ki apne diwar-o-dar bhul gae
shish-mahal ne aisa ghera miTTi ke ghar bhul gae

Nazeer Baaqri

---

---

kisi ne hath baDhaya hai dosti ke liye
phir ek bar KHuda e'tibar de mujh ko

Nazeer Baaqri

---

---

main ek zarra bulandi ko chhune nikla tha
hawa ne tham ke zamin par gira diya mujh ko

Nazeer Baaqri

---

---

main ne duniya chhoD di lekin mera murda badan
ek uljhan ki tarah qatil ki nazron mein raha

Nazeer Baaqri

---

---

sath chalna hai to phir chhoD de sari duniya
chal na pae to mujhe lauT ke ghar jaane de

Nazeer Baaqri

---

---

ta umr phir na hogi ujalon ki aarzu
tu bhi kisi charag ki lau se lipaT ke dekh

Nazeer Baaqri

---

---