zaKHm kitne teri chahat se mile hain mujh ko
sochta hun ki kahun tujh se magar jaane de

Nazeer Baaqri

---

---

andhera mangne aaya tha raushni ki bhik
hum apna ghar na jalate to aur kya karte

Nazeer Banarasi

---

---

aas hi se dil mein paida zindagi hone lagi
shama jalne bhi na pai raushni hone lagi

Nazeer Banarasi

---

---

ad-gumani ko baDha kar tum ne ye kya kar diya
KHud bhi tanha ho gae mujh ko bhi tanha kar diya

Nazeer Banarasi

---

---

dil ki ujDi hui haalat pe na jae koi
shahr aabaad hue hain isi virane se

Nazeer Banarasi

---

---

dusron se kab talak hum pyas ka shikwa karen
lao tesha ek dariya dusra paida karen

Nazeer Banarasi

---

---

ek jhonka is tarah zanjir-e-dar khaDka gaya
main ye samjha bhulne wale ko main yaad aa gaya

Nazeer Banarasi

---

---