mil hi jaega kabhi dil ko yaqin rahta hai
wo isi shahr ki galiyon mein kahin rahta hai

Ahmad Mushtaq

---

---

milne ki ye kaun ghaDi thi
bahar hijr ki raat khaDi thi

Ahmad Mushtaq

---

---

mohabbat mar gai 'mushtaq' lekin tum na manoge
main ye afwah bhi tum ko suna kar dekh leta hun

Ahmad Mushtaq

---

---

mujhe malum hai ahl-e-wafa par kya guzarti hai
samajh kar soch kar tujh se mohabbat kar raha hun main

Ahmad Mushtaq

---

---

nae diwanon ko dekhen to KHushi hoti hai
hum bhi aise hi the jab aae the virane mein

Ahmad Mushtaq

---

---

nindon mein phir raha hun use DhunDhta hua
shamil jo ek KHwab mere rat-jage mein tha

Ahmad Mushtaq

---

---

pani mein aks aur kisi aasman ka hai
ye naw kaun si hai ye dariya kahan ka hai

Ahmad Mushtaq

---

---