tum aae ho tumhein bhi aazma kar dekh leta hun
tumhaare sath bhi kuchh dur ja kar dekh leta hun

Ahmad Mushtaq

---

---

tu agar pas nahin hai kahin maujud to hai
tere hone se baDe kaam hamare nikle

Ahmad Mushtaq

---

---

tu ne hi to chaha tha ki milta rahun tujh se
teri yahi marzi hai to achchha nahin milta

Ahmad Mushtaq

---

---

umr bhar dukh sahte sahte aaKHir itna to hua
apni chup ko dekh leta hun sada bante hue

Ahmad Mushtaq

---

---

wahan salam ko aati hai nange panw bahaar
khile the phul jahan tere muskurane se

Ahmad Mushtaq

---

---

wahi gulshan hai lekin waqt ki parwaz to dekho
koi tair nahin pichhle baras ke aashiyanon mein

Ahmad Mushtaq

---

---

wo jo raat mujh ko baDe adab se salam kar ke chala gaya
use kya KHabar mere dil mein bhi kabhi aarzu-e-gunah thi

Ahmad Mushtaq

---

---