tha mujh se ham-kalam magar dekhne mein tha
jaane wo kis KHayal mein tha kis samay mein tha
kaise makan ujaD hua kis se puchhte
chulhe mein raushni thi na pani ghaDe mein tha
ta-subh barg-o-shaKH-o-shajar jhumte rahe
kal shab bala ka soz hawa ke gale mein tha
nindon mein phir raha hun use DhunDhta hua
shamil jo ek KHwab mere rat-jage mein tha
Ghazal
Tha mujhse ham-kalam magar dekhne mein tha
Ahmad Mushtaq