wo waqt bhi aata hai jab aankhon mein hamari
phirti hain wo shaklen jinhen dekha nahin hota

Ahmad Mushtaq

---

---

yar sab jama hue raat ki KHamoshi mein
koi ro kar to koi baal bana kar aaya

Ahmad Mushtaq

---

---

yahi duniya thi magar aaj bhi yun lagta hai
jaise kaTi hon tere hijr ki raaten kahin au

Ahmad Mushtaq

---

---

ye pani KHamushi se bah raha hai
ise dekhen ki is mein Dub jaen

Ahmad Mushtaq

---

---

ye tanha raat ye gahri fazaen
use DhunDen ki us ko bhul jaen

Ahmad Mushtaq

---

---

ye wo mausam hai jis mein koi patta bhi nahin hilta
dil-e-tanha uThata hai saubat sham-e-hijran ki

Ahmad Mushtaq

---

---

aaghosh mein mahkoge dikhai nahin doge
tum nikhat-e-gulzar ho hum parda-e-shab hain

Ahmad Nadeem Qasmi

---

---