jahan Dale the us ne dhup mein kapDe sukhane ko
Tapakti hain abhi tak rassiyan aahista aahista

Ahmad Mushtaq

---

---

jahan-e-ishq se hum sarsari nahin guzre
ye wo jahan hai jahan sarsari nahin koi shai

Ahmad Mushtaq

---

---

jaise pau phaT rahi ho jangal mein
yun koi muskurae jata hai

Ahmad Mushtaq

---

---

jis ki sanson se mahakte the dar-o-baam tere
ai makan bol kahan ab wo makin rahta hai

Ahmad Mushtaq

---

---

jo muqaddar tha use to rokna bas mein na tha
un ka kya karte jo baaten na-gahani ho gain

Ahmad Mushtaq

---

---

kai chand the sar-e-asman ki chamak chamak ke palaT gae
na lahu mere hi jigar mein tha na tumhaari zulf siyah thi

Ahmad Mushtaq

---

---

kaise aa sakti hai aisi dil-nashin duniya ko maut
kaun kahta hai ki ye sab kuchh fana ho jaega

Ahmad Mushtaq

---

---