milne diya na us se hamein jis KHayal ne
socha to us KHayal se sadma bahut hua

Ahmad Mahfuz

---

---

meri ibtida meri intiha kahin aur hai
main shumara-e-mah-o-sal mein nahin aaunga

Ahmad Mahfuz

---

---

nahin aasman teri chaal mein nahin aaunga
main palaT ke ab kisi haal mein nahin aaunga

Ahmad Mahfuz

---

---

shor harim-e-zat mein aaKHir uTTha kyun
andar dekha jae ki bahar dekha jae

Ahmad Mahfuz

---

---

suna hai shahr ka naqsha badal gaya 'mahfuz'
to chal ke hum bhi zara apne ghar ko dekhte hain

Ahmad Mahfuz

---

---

tariki ke raat azab hi kya kam the
din nikla to suraj bhi saffak hua

Ahmad Mahfuz

---

---

us se milna aur bichhaDna der tak phir sochna
kitni dushwari ke sath aae the aasani mein hum

Ahmad Mahfuz

---

---