use bhulaya to apna KHayal bhi na raha
ki mera sara asasa isi makan mein tha

Ahmad Mahfuz

---

---

yahin gum hua tha kai bar main
ye rasta hai sab mera dekha hua

Ahmad Mahfuz

---

---

ye jo dhuan dhuan sa hai dasht-e-guman ke aas-pas
kya koi aag bujh gai sarhad-e-jaan ke aas-pas

Ahmad Mahfuz

---

---

ye kaisa KHun hai ki bah raha hai na jam raha hai
ye rang dekhun ki dil jigar ka fishaar dekhun

Ahmad Mahfuz

---

---

ye shughl-e-zabani bhi be-sarfa nahin aaKHir
sau baat banata hun ek baat banane ko

Ahmad Mahfuz

---

---

zaKHmon ko ashk-e-KHun se sairab kar raha hun
ab aur bhi tumhaara chehra khila rahega

Ahmad Mahfuz

---

---

ab shughl hai yahi dil-e-iza-pasand ka
jo zaKHm bhar gaya hai nishan us ka dekhna

Ahmad Mushtaq

---

---