tujhe bhulane ki koshish mein phir rahe the ki hum
kuchh aur sath mein parchhaiyan laga lae

Aashufta Changezi

---

---

tu kabhi is shahr se ho kar guzar
raston ke jal mein uljha hun main

Aashufta Changezi

---

---

unchi uDan ke liye par taulte the hum
unchaiyon pe sans ghuTegi pata na tha

Aashufta Changezi

---

---

ye aur baat ki tum bhi yahan ke shahri ho
jo main ne tum ko sunaya tha mera qissa hai

Aashufta Changezi

---

---

ye baat yaad rakhenge talashne wale
jo us safar pe gae lauT kar nahin aae

Aashufta Changezi

---

---

ai junun phir mere sar par wahi shamat aai
phir phansa zulfon mein dil phir wahi aafat aai

Aasi Ghazipuri

---

---

imar-e-gham ki chaaragari kuchh zarur hai
wo dard dil mein de ki masiha kahen jise

Aasi Ghazipuri

---

---