jahan apna qissa sunana paDa
wahin hum ko rona rulana paDa

Aasi uldani

---

---

kahte hain ki ummid pe jita hai zamana
wo kya kare jis ko koi ummid nahin ho

Aasi uldani

---

---

murattab kar gaya ek ishq ka qanun duniya mein
wo diwane hain jo majnun ko diwana batate hain

Aasi uldani

---

---

sabr par dil ko to aamada kiya hai lekin
hosh uD jate hain ab bhi teri aawaz ke sath

Aasi uldani

---

---

arq baran tirgi aur zalzala
badla badla sa hai mausam ka mizaj

Aasim Shahnawaz Shibli

---

---

ghar ghar ja kar jo sune logon ki fariyaad
us ko apne ghar mein hi mile na koi dad

Aasim Shahnawaz Shibli

---

---

kaise nikhre shaeri aur tarz-e-izhaar
is mein hota hai miyan KHun-e-dil darka

Aasim Shahnawaz Shibli

---

---