wo mere sath hai sae ki tarah
dil ki zid hai ki nazar bhi aae

Mahmood Ayaz

---

---

wo nahin hai na sahi tark-e-tamanna na karo
dil akela hai ise aur akela na karo

Mahmood Ayaz

---

---

main aa gaya hun wahan tak teri tamanna mein
jahan se koi bhi imkan-e-wapsi na rahe

Mahmood Ghazni

---

---

dur se takte rahe nange badan
ho gae show-case mein maile libas

Mahmood Ishqi

---

---

fikron ko chirte hue tere KHayal ne
TuTe hue badan mein naya dil laga diya

Mahmood Ishqi

---

---

KHushbu ki tarah shab ko machalta tha gul-badan
bistar se chun raha hun main TuTe hue baTan

Mahmood Ishqi

---

---

munh chhupae jawab phirte hain
sar uTha kar khaDe hue hain sawal

Mahmood Ishqi

---

---