parwane aa hi jaenge khinch kar ba-jabr-e-ishq
mahfil mein sirf shama jalane ki der hai

Mahirul Qadri

---

---

sunate ho kise ahwal 'mahir'
wahan to muskuraya ja raha hai

Mahirul Qadri

---

---

yahi hai zindagi apni yahi hai bandagi apni
ki un ka nam aaya aur gardan jhuk gai apni

Mahirul Qadri

---

---

ye kah ke dil ne mere hausle baDhae hain
ghamon ki dhup ke aage KHushi ke sae hain

Mahirul Qadri

---

---

yun kar raha hun un ki mohabbat ke tazkire
jaise ki un se meri baDi rasm-o-rah thi

Mahirul Qadri

---

---

zara dariya ki tah tak to pahunch jaane ki himmat kar
to phir ai Dubne wale kinara hi kinara hai

Mahirul Qadri

---

---

chand KHamosh ja raha tha kahin
hum ne bhi us se koi baat na ki

Mahmood Ayaz

---

---