main itni raushni phaila chuka hun
ki bujh bhi jaun to ab gham nahin hai

Mahshar Badayuni

---

---

agar apne dil-e-betab ko samjha liya main ne
to ye kafir nigahen kar sakengi intizam apna

Mahshar Inayati

---

---

aDi tawil hai 'mahshar' kisi ke hijr ki baat
koi ghazal hi sunao ki nind aa jae

Mahshar Inayati

---

---

chale bhi aao mere jite-ji ab itna bhi
na intizar baDhao ki nind aa jae

Mahshar Inayati

---

---

har ek baat zaban se kahi nahin jati
jo chupke baiThe hain kuchh un ki baat bhi samjho

Mahshar Inayati

---

---

ek unhen dekho ek mujhe dekho
waqt kitna karishma-kar sa hai

Mahshar Inayati

---

---

kisi ki bazm ke haalat ne samjha diya mujh ko
ki jab saqi nahin apna to mai apni na jam apna

Mahshar Inayati

---

---