ye aur baat ki chahat ke zaKHm gahre hain
tujhe bhulane ki koshish to warna ki hai bahut

Mahmood Shaam

---

---

tum apne rang nahao tum apni mauj uDo
magar hamari wafa bhi nigah mein rakhna

Mahmooda Gaziya

---

---

abhi sar ka lahu thamne na paya
udhar se ek patthar aur aaya

Mahshar Badayuni

---

---

hum ko bhi KHush-numa nazar aai hai zindagi
jaise sarab dur se dariya dikhai de

Mahshar Badayuni

---

---

har patti bojhal ho ke giri sab shaKHen jhuk kar TuT gain
us barish hi se fasl ujDi jis barish se tayyar hui

Mahshar Badayuni

---

---

jis ke liye bachcha roya tha aur ponchhe the aansu baba ne
wo bachcha ab bhi zinda hai wo mahnga khilauna TuT gaya

Mahshar Badayuni

---

---

kare dariya na pul mismar mere
abhi kuchh log hain us par mere

Mahshar Badayuni

---

---