wo lala-badan jhil mein utra nahin warna
shoale mutawatir isi pani se nikalte

Mahfuzur Rahman Adil

---

---

wo meri aawaragardi wo mera diwana-pan
wo meri tazim mein diwar-o-dar ka jagna

Mahfuzur Rahman Adil

---

---

ye bhi hai mara hua saqi ki chashm-e-naz ka
is liye 'adil' ko shishe ki pari achchhi lagi

Mahfuzur Rahman Adil

---

---

zindagi ko hausla dene ke KHatir
KHwahishon ko reza reza chun raha hun

Mahfuzur Rahman Adil

---

---

agar KHamosh rahun main to tu hi sab kuchh hai
jo kuchh kaha to tera husn ho gaya mahdud

Mahirul Qadri

---

---

aql kahti hai dobara aazmana jahl hai
dil ye kahta hai fareb-e-dost khate jaiye

Mahirul Qadri

---

---

ek bar tujhe aql ne chaha tha bhulana
sau bar junun ne teri taswir dikha di

Mahirul Qadri

---

---