waqif nahin ki panw mein paDti hain beDiyan
dulhe ko ye KHushi hai ki meri baraat hai

Lala Madhav Ram Jauhar

---

---

wahi shagird phir ho jate hain ustad ai 'jauhar'
jo apne jaan-o-dil se KHidmat-e-ustad karte hain

Lala Madhav Ram Jauhar

---

---

wo ayaadat ko na aaya karen main dar guzra
haal-e-dil puchh ke aur aag laga jate hain

Lala Madhav Ram Jauhar

---

---

wo chaar aankhen kabhi karte nahin didar ke Dar se
mujhe jab dekhte hain munh chhupa lete hain chadar se

Lala Madhav Ram Jauhar

---

---

wo hai baDa karim rahim us ki zat hai
nahaq gunahgaron ko fikr-e-najat hai

Lala Madhav Ram Jauhar

---

---

wo mujh se puchhte hain ki rote ho kis liye
dariya ko de ye qatra-e-nachiz kya jawa

Lala Madhav Ram Jauhar

---

---

yar par ilzam kaisa ai dil-e-KHana-KHarab
jo kiya tujh se teri qismat ne us ne kya kiya

Lala Madhav Ram Jauhar

---

---