ye kya sabab jo idhar chandni nahin aati
KHuda ne chand banaya hai sab ke ghar ke liye

Lala Madhav Ram Jauhar

---

---

ye sab ghalat hai ki hoti hai dil ko dil se rah
kisi ko KHak kisi ka KHayal hota hai

Lala Madhav Ram Jauhar

---

---

ye samajh le main bura hun ki bhala hun lekin
log bande ko gunahgar tera kahte hain

Lala Madhav Ram Jauhar

---

---

ye waiz kaisi bahki bahki baaten hum se karte hain
kahin chaDh kar sharab-e-ishq ke nashshe utarte hain

Lala Madhav Ram Jauhar

---

---

yun mohabbat se jo chahe koi apna kar le
jo hamara na ho us ke kahin hum hote hain

Lala Madhav Ram Jauhar

---

---

yun to munh dekhne ki hoti hai mohabbat sab ko
jab main jaanun ki mere baad mera dhyan rahe

Lala Madhav Ram Jauhar

---

---

zara rahne do apne dar pe hum KHana-ba-doshon ko
musafir jis jagah aaram pate hain Thaharte hain

Lala Madhav Ram Jauhar

---

---