zarra samajh ke yun na mila mujh ko KHak mein
ai aasman main bhi kabhi aaftab tha

Lala Madhav Ram Jauhar

---

---

zulfen munh par hain munh hai zulfon mein
raat bhar subh sham din bhar hai

Lala Madhav Ram Jauhar

---

---

aankhen sahar talak meri dar se lagi rahin
kya puchhte ho haal shab-e-intizar ka

Lala Tika Ram

---

---

go dil mein KHafa hai tu par is baat ko nadan
kah baiThiyo mat aashiq-e-dil-gir ke munh pa

Lala Tika Ram

---

---

jise paDha nahin tum ne kabhi mohabbat se
kitab-e-zist ka wo bab hain mere aansu

Lata Haya

---

---

log nafrat ki fazaon mein bhi ji lete hain
hum mohabbat ki hawa se bhi Dara karte hain

Lata Haya

---

---

main to mushtaq hun aandhi mein bhi uDne ke liye
main ne ye shauq ajab dil ko laga rakkha hai

Lata Haya

---

---