tifli ki mohabbat ko jawani mein na bhulo
insaf karo kya se hue kya mere aage

Lala Madhav Ram Jauhar

---

---

tujh sa koi jahan mein nazuk-badan kahan
ye pankhuDi se honT ye gul sa badan kahan

Lala Madhav Ram Jauhar

---

---

tum shah-e-husn ho ke na puchho faqir se
aise bhare makan se KHali gada phire

Lala Madhav Ram Jauhar

---

---

tu ne aghyar se aaina manga kar dekha
dil mein aata hai ki ab munh na dikhaen tujh ko

Lala Madhav Ram Jauhar

---

---

un ke aane ki KHabar sun ke to ye haal hua
jab wo aaenge to phir kya meri haalat hogi

Lala Madhav Ram Jauhar

---

---

us ne phir kar bhi na dekha main use dekha kiya
de diya dil rah chalte ko ye main ne kya kiya

Lala Madhav Ram Jauhar

---

---

wada nahin payam nahin guftugu nahin
hairat hai ai KHuda mujhe kyun intizar hai

Lala Madhav Ram Jauhar

---

---