surat to dikhate hain gale se nahin milte
aankhon ki to sun lete hain dil ki nahin sunte
Lala Madhav Ram Jauhar
taDap raha hai dil ek nawak-e-jafa ke liye
usi nigah se phir dekhiye KHuda ke liye
Lala Madhav Ram Jauhar
tasawwur zulf ka hai aur main hun
bala ka samna hai aur main hun
Lala Madhav Ram Jauhar
tashrif lao kucha-e-rindan mein waizo
sidhi si rah tum ko bata den najat ki
Lala Madhav Ram Jauhar
tera qusur-war KHuda ka gunahgar
jo kuchh ki tha yahi dil-e-KHana-KHarab tha
Lala Madhav Ram Jauhar
Thahri jo wasl ki to hui subh sham se
but mehrban hue to KHuda mehrban na tha
Lala Madhav Ram Jauhar
thame aansu to phir tum shauq se ghar ko chale jaana
kahan jate ho is tufan mein pani zara Thahre
Lala Madhav Ram Jauhar

