aashiqon ko nafa kab hai inqilab-e-dahr se
hum wahi bande rahenge but KHuda ho jaenge

Lala Madhav Ram Jauhar

---

---

ab itr bhi malo to takalluf ki bu kahan
wo din hawa hue jo pasina gulab tha

Lala Madhav Ram Jauhar

---

---

ahl-e-jannat mujhe lete hain na dozaKH wale
kis jagah ja ke tumhaara ye gunahgar rahe

Lala Madhav Ram Jauhar

---

---

ai dil-e-zar maza dekh liya ulfat ka
hum na kahte the ki is kaam mein zillat hogi

Lala Madhav Ram Jauhar

---

---

ai dost tujh ko rahm na aae to kya karun
dushman bhi mere haal pe ab aab-dida hai

Lala Madhav Ram Jauhar

---

---

apni kahen ki is dil-e-KHana-KHarab ki
tum ko jo ho pasand wahi guftugu karen

Lala Madhav Ram Jauhar

---

---

apni zaban se mujhe jo chahe kah len aap
baDh baDh ke bolna nahin achchha raqib ka

Lala Madhav Ram Jauhar

---

---