meri tarik shabon mein hai ujala in se
chand se zaKHmon pe marham ye lagate kyun ho

Laiq Aajiz

---

---

mujhe to jo bhi mila hai azab ki surat
meri hayat hai ek tishna KHwab ki surat

Laiq Aajiz

---

---

qalam uThaun ki bachchon ki zindagi dekhun
paDa hua hai dorahe pe ab hunar mera

Laiq Aajiz

---

---

sham hote hi bujh gaya 'ajiz'
ek muflis ka KHwab tha na raha

Laiq Aajiz

---

---

tark-e-jam-o-subu na kar pae
is liye hum wazu na kar pae

Laiq Aajiz

---

---

wo dhup thi ki zamin jal ke rakh ho jati
baras ke ab ke baDa kaam kar gaya pani

Laiq Aajiz

---

---

aaina dil ka toD ke kahta hai sang-zan
dil tera toD kar mujhe achchha nahin laga

Laiq Akbar sahaab

---

---