talKHaba-e-hayat piya hai tamam umar
ab aur kya milaega saqi sharab mein

Lais Quraishi

---

---

dil se niklegi na mar kar bhi watan ki ulfat
meri miTTi se bhi KHushbu-e-wafa aaegi

Lal Chand Falak

---

---

tan-man miTae jao tum nam-e-qaumiyat par
rah-e-watan par apni jaanen laDae jao

Lal Chand Falak

---

---

haTka phire hai majnun laila ke qafile mein
ye puchhta ki yaro mahmil kidhar gaya hai

Lala Kanji Mil Saba

---

---

nahin malum ai yaro 'saba' ke dil mein kya aaya
abhi jo baiThe baiThe wo yakayak aah kar uTTha

Lala Kanji Mil Saba

---

---

'saba' hum ne to hargiz kuchh na dekha jazb-e-ulfat mein
ghalat ye baat kahte hain ki dil ko rah hai dil se

Lala Kanji Mil Saba

---

---

aa gaya dil jo kahin aur hi surat hogi
log dekhenge tamasha jo mohabbat hogi

Lala Madhav Ram Jauhar

---

---