chhoTi hi umr mein allah wazifa itna
abhi kya sin hai jo paDhte ho bala ki tasbih

Lala Madhav Ram Jauhar

---

---

chup raho kyun mizaj puchhte ho
hum jien ya maren tumhein kya hai

Lala Madhav Ram Jauhar

---

---

chupka khaDa hua hun kidhar jaun kya karun
kuchh sujhta nahin hai mohabbat ki rah mein

Lala Madhav Ram Jauhar

---

---

chuTkiyon mein tum uDa doge hawa par ho sawar
tum se kya KHak kahe dil ki tamanna koi

Lala Madhav Ram Jauhar

---

---

dard-e-dil kahte hue bazm mein aata hai hijab
taKHliya ho to kuchh ahwal sunaen tujh ko

Lala Madhav Ram Jauhar

---

---

den jise chahen dil hamara hai
is mein kya aap ka ijara hai

Lala Madhav Ram Jauhar

---

---

dekha huzur ko jo mukaddar to mar gae
hum miT gae jo aap ne maili nigah ki

Lala Madhav Ram Jauhar

---

---