zara dekh aaina meri wafa ka
ki tu kaisa tha ab kaisa lage hai

Kaleem Aajiz

---

---

zindagi mail-e-fariyaad-o-fughan aaj bhi hai
kal bhi tha sine pe ek sang-e-giran aaj bhi hai

Kaleem Aajiz

---

---

ab is ko zindagi kahiye ki ahd-e-be-hisi kahiye
gharon mein log rote hain magar raston pe hanste hain

Kaleem Haider Sharar

---

---

apne darwaze pe baiTha sochta rahta hun main
mera ghar ajdad ki bara-dari ka karb hai

Kaleem Haider Sharar

---

---

haqiqat hai ise manen na manen ghaTti baDhti hain
wo jhuTi hon ki sachchi dastanen ghaTti baDhti hain

Kaleem Haider Sharar

---

---

kai logon ne phalte phulte peDon se jaana hai
magar main ne tujhe sabze ki uryani se pahchana

Kaleem Haider Sharar

---

---

siskiyan bhar ke 'sharar' kaun wahan rota tha
KHema-e-KHwab sar-e-sham jahan par TuTa

Kaleem Haider Sharar

---

---