dagh duniya ne diye zaKHm zamane se mile
hum ko tohfe ye tumhein dost banane se mile

Kaif Bhopali

---

---

dar-o-diwar pe shaklen si banane aai
phir ye barish meri tanhai churane aai

Kaif Bhopali

---

---

ek kami thi taj-mahal mein
main ne teri taswir laga di

Kaif Bhopali

---

---

idhar aa raqib mere main tujhe gale laga lun
mera ishq be-maza tha teri dushmani se pahle

Kaif Bhopali

---

---

ek naya zaKHm mila ek nai umr mili
jab kisi shahr mein kuchh yar purane se mile

Kaif Bhopali

---

---

is gulistan ki yahi rit hai ai shaKH-e-gul
tu ne jis phul ko pala wo paraya hoga

Kaif Bhopali

---

---

janab-e-'kaif' ye dilli hai 'mir' o 'ghaalib' ki
yahan kisi ki taraf-dariyan nahin chaltin

Kaif Bhopali

---

---