thoDa sa aks chand ke paikar mein Dal de
tu aa ke jaan raat ke manzar mein Dal de
Kaif Bhopali
tujhe kaun jaanta tha meri dosti se pahle
tera husn kuchh nahin tha meri shairi se pahle
Kaif Bhopali
tum se mil kar imli miThi lagti hai
tum se bichhaD kar shahad bhi khaara lagta hai
Kaif Bhopali
un se mil kar aur bhi kuchh baDh gain
uljhanen fikren qayas-araiyan
Kaif Bhopali
us ne ye kah kar pher diya KHat
KHun se kyun tahrir nahin hai
Kaif Bhopali
wo din bhi hae kya din the jab apna bhi talluq tha
dashahre se diwali se basanton se bahaaron se
Kaif Bhopali
ye daDhiyan ye tilak dhaariyan nahin chaltin
hamare ahd mein makkariyan nahin chaltin
Kaif Bhopali

