dosto Tanke na do ehsan Tuk itna karo
le chalo mujh ko wahin tum main jahan TukDe hua

Jurat Qalandar Bakhsh

---

---

duri-e-yar se howe to kisi shakl najat
roz hum is liye ho aate hain do chaar ke pas

Jurat Qalandar Bakhsh

---

---

ek to marzi na thi jaane ko meri us taraf
tis pe dil aankhon se baran KHun ka barsata raha

Jurat Qalandar Bakhsh

---

---

farba-tani ki fikr mein nadan hain roz-o-shab
aaKHir ko jaante nahin hai ye ghiza-e-marg

Jurat Qalandar Bakhsh

---

---

gham mujhe na-tawan rakhta hai
ishq bhi ek nishan rakhta hai

Jurat Qalandar Bakhsh

---

---

gar kahin paun akela to balaen le kar
kis maze se tujhe lun chhati se dil-dar laga

Jurat Qalandar Bakhsh

---

---

gar malun main kaf-e-afsos to hansta hai wo shoKH
hath mein hath kisi shaKHs ke de kar apna

Jurat Qalandar Bakhsh

---

---