hum hain wo jins ki kahte hain jise gham 'jurat'
hai mohabbat ke siwa kaun KHaridar apna

Jurat Qalandar Bakhsh

---

---

ham-nashin us ko jo lana hai to la jald ki hum
thame baiThe rahen kab tak dil-e-muztar apna

Jurat Qalandar Bakhsh

---

---

hashmat-e-duniya ki kuchh dil mein hawas baqi nahin
ishq ki daulat se hain aise hi aali-jah hum

Jurat Qalandar Bakhsh

---

---

hijr mein muztarib sa ho ho ke
chaar-su dekhta hun ro ro ke

Jurat Qalandar Bakhsh

---

---

hui piri mein us ghar ki si haalat KHana-e-tan ki
dar-o-diwar gir kar jis makan ka uTh nahin sakta

Jurat Qalandar Bakhsh

---

---

ek bazi-e-ishq se hain aari
khele hain wagarna sab jue hum

Jurat Qalandar Bakhsh

---

---

ilahi kya ilaqa hai wo jab leta hai angDai
mere sine mein sab zaKHmon ke Tanke TuT jate hain

Jurat Qalandar Bakhsh

---

---