dikhai kyun dil-e-wahshi ko chashm wo 'jurat'
sharab aur diwane ko tu pila laya

Jurat Qalandar Bakhsh

---

---

dil jigar ki mere puchhe hai KHabar kya hai ai yar
nok-e-mizhgan pe zara dekh numudar hai kya

Jurat Qalandar Bakhsh

---

---

dil ki kya puchhe hai ek qatra-e-KHun tha hamdam
so gham-e-ishq ne aate hain use nosh kiya

Jurat Qalandar Bakhsh

---

---

dil ko ai ishq su-e-zulf-e-siyah-fam na bhej
rahzanon mein tu musafir ko sar-e-sham na bhej

Jurat Qalandar Bakhsh

---

---

dil mein ab us ke jo lahr aai hai ghar jaane ki
tu bhi rone ki jhaDi dida-e-KHun-bar laga

Jurat Qalandar Bakhsh

---

---

dil-e-muztar ye kahe hai wahin le chal warna
toD chhati ke kiwaDon ko nikal jaunga

Jurat Qalandar Bakhsh

---

---

dil-e-wahshi ko KHwahish hai tumhaare dar pe aane ki
diwana hai wa-lekin baat karta hai Thikane ki

Jurat Qalandar Bakhsh

---

---