chali jati hai tu ai umr-e-rafta
ye hum ko kis musibat mein phansa ka

Jurat Qalandar Bakhsh

---

---

chhoD kar tasbih li zunnar us but ke liye
the to ahl-e-din par is dil ne barahman kar diya

Jurat Qalandar Bakhsh

---

---

chupke chupke rote hain munh par dupaTTa tan kar
ghar jo yaad aaya kisi ka apne ghar mein aan ka

Jurat Qalandar Bakhsh

---

---

daur mein kya us ke koi naubat-e-ishrat bajae
jab ki KHud gardun ho ek aundha sa naqqara paDa

Jurat Qalandar Bakhsh

---

---

dekha zahid ne jo us ru-e-kitabi ko to bas
waraq-e-kufr liya daftar-e-iman ko phaD

Jurat Qalandar Bakhsh

---

---

dekhne ka jo karun us ke main dawa 'jurat'
mujh mein jurat ye kahan aur meri binai kya

Jurat Qalandar Bakhsh

---

---

dekho duzdida nigah se to nikal kar ek raat
chor sa kaun khaDa hai pas-e-diwar laga

Jurat Qalandar Bakhsh

---

---