is shoala-KHu ko dekh hua shaiKH ka ye haal
jubbe ko aag lag uThi ammama jal gaya

Jurat Qalandar Bakhsh

---

---

islam se bargashta na hote ba-KHuda hum
gar ishq-e-butan taba ke marghub na hota

Jurat Qalandar Bakhsh

---

---

jab talak hum na chahte the tujhe
tab tak aisa tera jamal na tha

Jurat Qalandar Bakhsh

---

---

jahan ke bagh mein hum bhi bahaar dikhlate
ye rang-e-ghuncha jo apni girah mein zar hota

Jurat Qalandar Bakhsh

---

---

jahan kuchh dard ka mazkur hoga
hamara sher bhi mashhur hoga

Jurat Qalandar Bakhsh

---

---

jald KHu apni badal warna koi kar ke tilism
aa ke dil apna tere dil se badal jaunga

Jurat Qalandar Bakhsh

---

---

jaldi talab-e-bosa pe kije to kahe wah
aisa ise kya samjhe ho tum munh ka niwala

Jurat Qalandar Bakhsh

---

---