hamin tum se hamesha milne aaen kyun
tumhaare panw mein mehndi lagi hai kya

Irshad Khan ’Sikandar’

---

---

kaam sab ho gae mere aasan
kaun samjhega meri mushkil ko

Irshad Khan ’Sikandar’

---

---

kal teri taswir mukammal ki main ne
fauran us par titli aa kar baiTh gai

Irshad Khan ’Sikandar’

---

---

kar gaya KHamosh mujh ko der tak
chiKHna wo ek be-zaban ka

Irshad Khan ’Sikandar’

---

---

khinch lai hai mohabbat tere dar par mujh ko
itni aasani se warna kise hasil hua main

Irshad Khan ’Sikandar’

---

---

mere KHilaf sabhi sazishen rachin jis ne
wo ro raha hai meri dastan sunata hua

Irshad Khan ’Sikandar’

---

---

muddaton aankhen wazu karti rahin ashkon se
tab kahin ja ke teri did ke qabil hua main

Irshad Khan ’Sikandar’

---

---