udas KHushk labon par laraz raha hoga
wo ek bosa jo ab tak meri jabin pe nahin

Irfan Siddiqi

---

---

us ki aankhen hain ki ek Dubne wala insan
dusre Dubne wale ko pukare jaise

Irfan Siddiqi

---

---

us ko manzur nahin hai meri gumrahi bhi
aur mujhe rah pe lana bhi nahin chahta hai

Irfan Siddiqi

---

---

us ko rahta hai hamesha mari wahshat ka KHayal
mere gum-gashta ghazalon ka pata chahti hai

Irfan Siddiqi

---

---

us se bichhDe to tumhein koi na pahchanega
tum to parchhain ho paikar ki taraf lauT chalo

Irfan Siddiqi

---

---

uTho ye manzar-e-shab-tab dekhne ke liye
ki nind shart nahin KHwab dekhne ke liye

Irfan Siddiqi

---

---

wagarna tang na thi ishq par KHuda ki zamin
kaha tha us ne to main apne ghar chala bhi gaya

Irfan Siddiqi

---

---