ishta bahaal kash phir us ki gali se ho
ji chahta hai ishq dobara usi se ho

Irshad Khan ’Sikandar’

---

---

zamane par to khul kar hans raha tha
tere chhute hi ro baiTha hai pagal

Irshad Khan ’Sikandar’

---

---

kabhi kabhi koi bhejta hai nazar mein chahat ki phul kaliyan
mohabbaton ka nasib Thahra kabhi kabhi ka udas rahna

Is.haq Zafar

---

---

aaina kabhi qabil-e-didar na howe
gar KHak ke sath us ko sarokar na howe

Ishq Aurangabadi

---

---

aankhon se dil ke did ko mane nahin nafas
aashiq ko ain-hijr mein bhi wasl-e-yar hai

Ishq Aurangabadi

---

---

aashiq ki siyah-rozi ijad hui jis din
us roz se KHwabon ki ye zulf pareshan hai

Ishq Aurangabadi

---

---

ai muqallid bul-hawas hum se na kar dawa-e-ishq
dagh lala ki tarah rakhte hain madar-zad hum

Ishq Aurangabadi

---

---