tere siwa koi kaise dikhai de mujh ko
ki meri aaankhon pe hai dast-e-ghaebana tera

Irfan Siddiqi

---

---

tujh ko supurdagi mein simaTna bhi hai zarur
sachcha hai karobar to nuqsan chahiye

Irfan Siddiqi

---

---

tum parindon se ziyaada to nahin ho aazad
sham hone ko hai ab ghar ki taraf lauT chalo

Irfan Siddiqi

---

---

tum se mile to KHud se ziyaada
tum ko akela paya hum ne

Irfan Siddiqi

---

---

tum suno ya na suno hath baDhao na baDhao
Dubte Dubte ek bar pukarenge tumhein

Irfan Siddiqi

---

---

tu ek charagh-e-jahan-e-digar hai kya jaane
hum is zamin pe kis tarah shab guzarte hain

Irfan Siddiqi

---

---

uDe to phir na milenge rafaqaton ke parind
shikayaton se bhari Tahniyan na chhu lena

Irfan Siddiqi

---

---