jaise har chehre ki aankhen sar ke pichhe aa lagin
sab ke sab ulTe hi qadmon se safar karne lage

Iqbal Sajid

---

---

kaT gaya jism magar sae to mahfuz rahe
mera shiraaza bikhar kar bhi misali nikla

Iqbal Sajid

---

---

mara kisi ne sang to Thokar lagi mujhe
dekha to aasman tha zamin par paDa hua

Iqbal Sajid

---

---

main aaina banunga tu patthar uThaega
ek din khuli saDak pe ye naubat bhi aaegi

Iqbal Sajid

---

---

main KHun baha kar bhi hua bagh mein ruswa
us gul ne magar kaam pasine se nikala

Iqbal Sajid

---

---

main tere dar ka bhikari tu mere dar ka faqir
aadmi is daur mein KHuddar ho sakta nahin

Iqbal Sajid

---

---

mile mujhe bhi agar koi sham fursat ki
main kya hun kaun hun sochunga apne bare mein

Iqbal Sajid

---

---