sarhad-e-jaan talak qalam-rau dil
is se aage nizam dard ka hai

Iqbal Khusro Qadri

---

---

ab itni zor se har ghar pe dastaken dena
agar jawab na aae to dar nikal jae

Iqbal Naved

---

---

KHuda jaane gireban kis ke hain aur hath kis ke hain
andhere mein kisi ki shakl pahchani nahin jati

Iqbal Naved

---

---

KHwahishon ke peD se girte hue patte na chun
zindagi ke sehn mein ummid ka pauda laga

Iqbal Naved

---

---

meri KHwahish hai duniya ko bhi apne sath le aaun
bulandi ki taraf lekin kabhi pasti nahin jati

Iqbal Naved

---

---

phenk de bahar ki jaanib apne andar ki ghuTan
apni aankhon ko laga de ghar ki har khiDki ke sath

Iqbal Naved

---

---

aat bhar koi na darwaza khula
dastaken deti rahi pagal hawa

Iqbal Naved

---

---