us ne bhi kai roz se KHwahish nahin oDhi
main ne bhi kai din se irada nahin pahna

Iqbal Sajid

---

---

wo bolta tha magar lab nahin hilata tha
ishaara karta tha jumbish na thi ishaare mein

Iqbal Sajid

---

---

wo chand hai to aks bhi pani mein aaega
kirdar KHud ubhar ke kahani mein aaega

Iqbal Sajid

---

---

ye tere ashaar teri manawi aulad hain
apne bachche bechna 'iqbaal-sajid' chhoD de

Iqbal Sajid

---

---

aashob-e-iztirab mein khaTka jo hai to ye
gham tera mil na jae gham-e-rozgar mein

Iqbal Suhail

---

---

husn-e-fitrat ki aabru mujh se
aab o gil mein hai rang-o-bu mujh se

Iqbal Suhail

---

---

jo tasawwur se mawara na hua
wo to banda hua KHuda na hua

Iqbal Suhail

---

---