aDh gaya hai is qadar ab surKH-ru hone ka shauq
log apne KHun se jismon ko tar karne lage

Iqbal Sajid

---

---

agula ban ke samundar mein KHak uDana thi
ki lahr lahr mujhe tund-KHu bhi hona tha

Iqbal Sajid

---

---

darwesh nazar aata tha har haal mein lekin
'sajid' ne libas itna bhi sada nahin pahna

Iqbal Sajid

---

---

ek bhi KHwahish ke hathon mein na mehndi lag saki
mere jazbon mein na dulha ban saka ab tak koi

Iqbal Sajid

---

---

fikr-e-mear-e-suKHan bais-e-azar hui
tang rakkha to hamein apni qaba ne rakkha

Iqbal Sajid

---

---

ghurbat ki tez aag pe aksar pakai bhuk
KHush-haaliyon ke shahr mein kya kuchh nahin kiya

Iqbal Sajid

---

---

hote hi sham jalne laga yaad ka alao
aansu sunane dukh ki kahani nikal paDe

Iqbal Sajid

---

---