chashm-e-saqi mujhe har gam pe yaad aati hai
rasta bhul na jaun kahin maiKHane ka

Iqbal Safi Puri

---

---

kaun jaane ki ek tabassum se
kitne mafhum-e-gham nikalte hain

Iqbal Safi Puri

---

---

koi samjhae ki kya rang hai maiKHane ka
aankh saqi ki uThe nam ho paimane ka

Iqbal Safi Puri

---

---

mere labon ka tabassum to sab ne dekh liya
jo dil pe bit rahi hai wo koi kya jaane

Iqbal Safi Puri

---

---

ab tu darwaze se apne nam ki taKHti utar
lafz nange ho gae shohrat bhi gali ho gai

Iqbal Sajid

---

---

andar thi jitni aag wo ThanDi na ho saki
pani tha sirf ghas ke upar paDa hua

Iqbal Sajid

---

---

apni ana ki aaj bhi taskin hum ne ki
ji bhar ke us ke husn ki tauhin hum ne ki

Iqbal Sajid

---

---