tamsil o istiara o tashbih sab durust
us ki misal kya jo adim-ul-misal ho

Hafeez Jaunpuri

---

---

tandurusti se to behtar thi meri bimari
wo kabhi puchh to lete the ki haal achchha hai

Hafeez Jaunpuri

---

---

the chor mai-kade ke masjid ke rahne wale
mai se bhara hua hai jo zarf hai wazu ka

Hafeez Jaunpuri

---

---

un ki yaktai ka dawa miT gaya
aaine ne dusra paida kiya

Hafeez Jaunpuri

---

---

yaad aain us ko dekh ke apni musibaten
roe hum aaj KHub lipaT kar raqib se

Hafeez Jaunpuri

---

---

zahid ko raT lagi hai sharab-e-tuhur ki
aaya hai mai-kade mein to sujhi hai dur ki

Hafeez Jaunpuri

---

---

zahid sharab-e-nab ho ya baada-e-tuhur
pine hi par jab aae haram o halal kya

Hafeez Jaunpuri

---

---