pahunche us ko salam mera
bhule se na le jo nam mera

Hafeez Jaunpuri

---

---

pari thi koi chhalawa thi ya jawani thi
kahan ye ho gai champat jhalak dikha ke mujhe

Hafeez Jaunpuri

---

---

pi kar do ghunT dekh zahid
kya tujh se kahun sharab kya hai

Hafeez Jaunpuri

---

---

pi lo do ghunT ki saqi ki rahe baat 'hafiz'
saf inkar se KHatir-shikani hoti hai

Hafeez Jaunpuri

---

---

qasam nibah ki khai thi umr bhar ke liye
abhi se aankh churaate ho ek nazar ke liye

Hafeez Jaunpuri

---

---

sach hai is ek parde mein chhupte hain lakh aib
yani janab-e-shaiKH ki daDhi daraaz hai

Hafeez Jaunpuri

---

---

shab-e-visal lagaya jo un ko sine se
to hans ke bole alag baiThiye qarine se

Hafeez Jaunpuri

---

---