wo waqt ka jahaz tha karta lihaz kya
main doston se hath milane mein rah gaya

Hafeez Merathi

---

---

ye bhi to sochiye kabhi tanhai mein zara
duniya se hum ne kya liya duniya ko kya diya

Hafeez Merathi

---

---

ye hunar bhi baDa zaruri hai
kitna jhuk kar kise salam karo

Hafeez Merathi

---

---

simTa tera KHayal to gul-rang ashk tha
phaila to misl-e-dasht-e-wafa phailta gaya

Hafiz Taib

---

---

ye dil hai mera ya kisi kuTiya ka diya hai
bujhta hai dam-e-subh to jalta hai sar-e-sham

Hafiz Taib

---

---

aadmi kya wo na samjhe jo suKHan ki qadr ko
nutq ne haiwan se musht-e-KHak ko insan kiya

Haidar Ali Aatish

---

---

aafat-e-jaan hui us ru-e-kitabi ki yaad
ras aaya na mujhe hafiz-e-quran hona

Haidar Ali Aatish

---

---