kaba ke Dhane wale wo aur log honge
hum kufr jaante hain dil toDna kisi ka

Hafeez Jaunpuri

---

---

kafir-e-ishq ko kya dair-o-haram se matlab
jis taraf tu hai udhar hi hamein sajda karna

Hafeez Jaunpuri

---

---

kabhi masjid mein jo waiz ka bayan sunta hun
yaad aati hai mujhe pir-e-KHarabaat ki baat

Hafeez Jaunpuri

---

---

luT gaya wo tere kuche mein dhara jis ne qadam
is tarah ki bhi kahin rahzani hoti hai

Hafeez Jaunpuri

---

---

mere but-KHane se ho kar chala ja kabe ko zahid
ba-zahir farq hai baatin mein donon ek raste hain

Hafeez Jaunpuri

---

---

meri sharab ki tauba pe ja na ai waiz
nashe ki baat nahin e'tibar ke qabil

Hafeez Jaunpuri

---

---

o aankh badal ke jaane wale
kuchh dhyan kisi ki aajizi ka

Hafeez Jaunpuri

---

---