yun aati hain ab mere tanaffus ki sadaen
jis tarah se deta hai koi nauhagar aawaz

Habeeb Musvi

---

---

zaban par tera nam jab aa gaya
to girte ko dekha sambhalte hue

Habeeb Musvi

---

---

aane wali barkha dekhen kya dikhlae aankhon ko
ye barkha barsate din to bin piritam be-kar gae

Habib Jalib

---

---

chhoD is baat ko ai dost ki tujh se pahle
hum ne kis kis ko KHayalon mein basae rakkha

Habib Jalib

---

---

dil ki baat labon par la kar ab tak hum dukh sahte hain
hum ne suna tha is basti mein dil wale bhi rahte hain

Habib Jalib

---

---

duniya to chahti hai yunhi fasle rahen
duniya ke mashwaron pe na ja us gali mein chal

Habib Jalib

---

---

dushmanon ne jo dushmani ki hai
doston ne bhi kya kami ki hai

Habib Jalib

---

---